2020–2021 оны хичээлийн жилээс эхлэн Монгол Улсын Их сургуультай хамтран Хүрээлэн буй орчны инженерчлэл хөтөлбөрөөр суралцаж буй бакалаврын түвшний суралцагчдад сурч боловсрох, судалгаа шинжилгээний ажил гүйцэтгэх, өөрийгөө хөгжүүлэхэд дэмжлэг үзүүлэх, урамшуулах зорилгоор тэтгэлэгт хөтөлбөрийг хэрэгжүүлж эхэлсэн.
Энэ хөтөлбөрийн хүрээнд ХБООИТ-ийн Хүрээлэн буй орчны инженер хөтөлбөрийн баг, Оюутан, төгсөгчийн хэлтэс, ивээн тэтгэгчээс бүрдсэн ажлын хэсэг зохион байгуулагдаж, суралцагчдын сурлага, судалгаа шинжилгээ, нийгмийн идэвх оролцоо, урлаг спортын амжилтыг гол шалгуур болгон үзэж шалгаруулалтыг хийв.
Тэтгэлэг гардуулах ёслол 2021 оны 01-р сарын 29-ний өдөр цахим хэлбэрээр зохион байгуулж Хүрээлэн буй орчны инженер хөтөлбөрийн 2-р түвшний суралцагч Б. Сарнай, 3-р түвшний суралцагч П.Энхжингоо нар шалгарч тэтгэлгийг хүлээн авлаа.
Comments